كل الصور بتشهد بالشنطه دي ....الشنطه موجوده في كل صوره كل الاوقات في السفر في الفرح و في الحزن و لحظات الضيق اللي غالبا ما بيكون فيها
الشاب النحيل هزيل البنيه شايل الشنطه دي علطوول كأن قلبه فيها مش في صدره ...
من كترما انا حاسه انها مهمه و خاصه جدا بيه .. كنت مكسوفه اسأله حتى فيها ايه بالرغم من ان علاقتي بيه من وجهة نظري , فاقت كل الحدود لا حرج من الآخر مع اني مش كده اصلا مع اي حد في الدنيا كلها ... بس اهو اللي حصل
حلمت كذا مره بيه و بشنطته العجيبه و اترددت اسأل برضو عن الشنطه دي
وفي يوم و بلا مقدمات لقيتني بتصل بيه و بقول له ممكن اسأل سؤال و ترد بصراحه ... انا عارفه انوصريح اصلا معايا مع انه بيخبي كتير و شاب كتوم
بس انا تخيلت كده من كتر ما انا خايفه من الشنطه دي
كانت المفاجاه
قلم رصاص و علبة سجاير حديد و ولاعه شاحن و نوت صغيره سلك كده علشان بكتب فيها الحاجات المهم وكاب علشان لما احب البس الكاب
قلم خط عربي و كشكول رسم
.............. و ساعات بحط فيها تي شيرت
انا بسمع في ذهوووول
يمكن انا مكبره الحكايه
ولا يمكن اول مره اعرف حد غامض و غريب الأطوار و شايل شنطه زي الشاب ده
احساسي ده .. ليه ؟ و ازاي ؟ و اشمعنا ؟؟؟
مش عارفه
قلت لك النهارده هتشوف و انت فعلا هتشوف .....
3 comments:
عادة ما تكون الأشياء المعتادة للشخص أسراراً للآخرين ولاعجب في أنه يستخدم شيئاً كهذا أنا شخصياً كنت أعرف شخصاً يلازم شنطته دائماً حتى لا يحتاج لأحد في شئ على ما أعتقد أو لأي سبب في عقله .. الصراحة لم أسأله ولم يكن الفضول يقتلني لتلك الدرجة
كل سنة وحضرتك طيبة
سيدي الاستاذ الكريم
ميرسي انك قريت اللي كتبته ده
شرفتني طبعا بتعليقك
الحكايه و مافيها ان الفضول دبحني لان الشخص المقصود مش حد سهل لا في مكانته الاجتماعيه و لا حتى حياته العامه
انا بس كان استغرابي انه شاب
انا دايما كنت بفكر البنات بس هم اللي بيشيلو الشنط و بعدين تطورت الفكره الى ان ممكن رجال الاعمال كمان يشيلوها
اخيرا و ليس اخرا.... الشخص المقصود ده .. فعلا فنان و ادواته الخاصه تدل على ذلك ده رأيي الشخصي
السلام ختام
Post a Comment